Res Retica

Desde hoxe tedes na parte de abaixo da columna dereita deste blog un gráfico coma este que copio aquí, que indica en tempo case-real os grupos que máis escoitaron durante a última semana os galegos que usan o Audioscrobbler, esa interesante ferramenta socio-musical da que xa vos teño falado nestas páxinas.

Agora só fai falla que se unan máis galegos e así o noso gosto sexa máis representativo. E que a xente escoite e etiquete máis música galega coas ferramentas que nos ofrecen estes tolos do Audioscrobbler.